UN POUCO DE REDONDELA.

Primeiros poboadores

Restos arqueolóxicos testifican a presenza humana desde moi antigo. Algúns nos levan á Idade de Bronce (machadas, petróglifos...) e outros nos remontan á cultura castrexa (o Castro da Peneda) Se facemos caso á sabedoría popular, a súa fundación vén dada polos gregos, pero sobre isto só hai lendas.

Romanización

A romanización foi moi intensa e disto si temos vestixios como os miliarios. A súa situación e condicións meteorolóxicas fixeron posible un auxe moi importante desde a antigüidade ata o momento do gran desenvolvemento da cidade de Vigo.

O Arcebispo Xelmírez

Gran parte destas terras formaron parte do señorío da Mitra Compostelá. O acontecemento histórico máis importante desta época probablemente sexa a estadía, ao longo duns anos, de Xelmírez logo de ser desterrado no ano 1466.

Illas de San Antonio e San Simón

As illas de San Antonio e San Simón foron o lugar de acollida para varias ordes relixiosas (benedictinos, franciscanos e templarios) ao longo de moitos séculos ata 1830. Foi entón cando se utilizou como leprosería. Este feito tivo como consecuencia indirecta o desenvolvemento do porto de Vigo.

Durante a guerra civil e a dictadura franquista utilizouse a illa,como cárcere,onde fusilaron a tanta xente que defendia unha España Republicana.Un dos supervivintes foi Manuel Barros.

No ano 2001,a consellería de cultura,recuperou a illa,cun proxecto estelar,elaborado polo arquitecto galego:Cesar Portela

No ano 2006,a conselleria de cultura,creou xunto con colectivos republicanos "O ano da memoria"e a sede esta na illa de san simón.Esta fundación dedicouse a facer homenaxes a toda a xente que deixou toda a súa vida en contra da dictadura franquista.

www.anodamemoria.com/sansimon

O colectivo máis propulsor da idea,foi o COLECTIVO REPUBLICANO DE REDONDELA.

Polo ano 2007 creouse a fundación da illa de san simón.

www.fundacionilladesansimon.org

Batalla de Rande

A súa situación costeira fixo que ao longo do tempo este pobo vísese atacado desde o mar por flotas de distintos países ou por piratas. Destes ataques, os máis famosos son o da armada anglo-holandesa que saíron vitoriosos na batalla de Rande no ano 1702 e o ataque francés na Guerra da Independencia (concretamente o 12 de abril de 1809) ao pobo como represalia pola axuda que lle prestaron os habitantes de Redondela aos seus veciños de Tui cando estaban asediados polas tropas francesas.

Batalla de Pontesampaio

Outro feito histórico de certa relevancia no que participaron as persoas deste territorio foi na vitoria sobre as tropas de Ney no lugar de Pontesampaio en xuño de 1809.

Dende as últimas décadas do século XIX, Redondela se define pola extraordinaria imaxe dos seus viaductos de ferrocarris que lle conferen unha personalidade propia. Declarados monumentos Histórico-Artísticos, permiten á pequena urbe ser coñecida como: Redondela "a vila dos viaductos"